قصة روعة ماتفوتكم

من طرف **abd234** 11/08/08, 03:47 pm

مرحب السآآآع ..
اشحـالكم = ) .. ربكـم بخيـر..

قصتـي بترمـس عن "الخيـااال" > حـطو 100 خـط ع هالكلمه لول ..
هـمم هيه شووويه شبيهه لـ قصة آه من قلب ..
نفـس اسم بطلة " آه من قلب " ..
> كيفـي لوول ابا اعيـش الجـو وياهم ..
ماعليه عسب ماتنسـوهـا ..

همسهـ : البارت بينزل خميس و جمعـه ..
مابروم ادش ايام المدارس ..
واخليـكم مع اول بـارت ..
من قصتـي ..

.
.

.:|:. أَدْمَنْتْ ~ [ حَ ـبِكـَ ] ~ وُاسْتَحَلْ بِكَيَاَنِيِ .:|:.

.
.

فـ الصـاله ..
بيـن الصريخ و الصيـاح ..

محمـد : يا امييه بس !!
ام محمـد : هاي هب بنتـي انا اليوم الا اذبحهـاا !!
فطـوم وهيه اتصيـح خلاص منهـاره : بس اميييه بس ..
بو محمـد يخوز ام محمـد ويلسهـا : استهـدي بالله !! جتلتي البنـت !!
ام محمـد : هاي موتهـا احسن .. الحين سيرتي فـ كل لسـان فالفريـج !!!
طبعـا فطوم خلاص بين الحيـا و الموت .. تمنـت تطلع من البيت فهالدقيقه .. قـامت شوي شوي
وهيه خلاص تحس الدنيـا ادوربهـا ..
محمـد : وين سـايره !!
فطـوم : المكـان اللي بسيـره .." صرخت" لاااتي !!
محمـد : .........
طلعـت فطـوم برع و سـارت غرفة البشكـاره " غرفة الكـوااي " ..
سيـاني : فطـووم انتي شنو فييه !!
فطـوم بتعـب : يبي عبـاتي المفتوحه .. آآآخ .. و شيله مال اختيه ..
سيـاني : هـا خوذي ..
فطـوم : يبي نعالي الاسـود !! بسرعه .. ولاتخلين حد يشوفج ..
سيـاني : فطـوم انتي وين سيير !! انتي وايد تعبانه شوفي دم كل مكـان
فطـوم : اقوووولج سييري !! .. من زعجت حس شي بيطلع فيهـا ..

سيـاني سارت و فطـوم يوم لبست عباتها تحس انه حد فـارنهـا فتنـوور !!! جسمها كله يحرقهـا ..يوم يابتلهـا نعالها لبسته و لفت شيلتهـا .. وسيـده طلعت من البيـت .. وهيه ماتعرف اصـلا وين بتسير ! تعبـانه لدرجه روحهـا بتطلع .. وهيه تمـشي دشت صوب الفريج اللي ورا بيتهم .. وهيه اتصيـح بدون صوت .. طبعـا كانت متغشيـه .. صح انه فليل وماتشوف شي !! بس حاولت انه تشوف عدل .. تمشي وهيه ميـوده بطنهـا .. حالتهـا حاااله !! دم فـ ثمهـا جسمهـا بكبـره حمــر !! ويحرقهـا .. تمت تمشي تمشي وهيه هب عارفه الله وين حاطنهـا !! وكل ما تمشي يزيد ويع بطنهـا وتحس شي بين ريولهـا !!
عـرفت انه دم !! فجت حلجهـا و وقفت !! فخاطرهـا : صـح انه فـيني . . . . . بس ليش جييييييييه !!شافت بطنهـا .. عقب اذكرت انه امهـا اتم تضربهـا فبطنهـا .. رفعه راسهـا وصاحت : الله يسامحج يا اميه لو طالعه عيل ويا واحد !! شو بتسويين !! .. تمت تمشي تمشي وحـر فضيييع !! ليـن ما اغمـى علييهـا !!

فـ بيت ام محمـد ..
محمـد : اميه فطوم هب فـ البيت !!
ام محمـد تخبلت : كيييييييييف هب فالبيييت !! سير دورهـا عدل !!
بو محمـد توه ياي : مـحد حصلتها محمد ؟؟
محمـد بحزن : لاء !!
سيـاني يت : ماما فطـوم طلع برع
ام محمـد صرخت و شويه و بتموت : طلعت برررررررررع !! وييييييين !!
سيـاني : ماما انا ماعرف !!
محمـد : انا بسير ادورهـا ..
بو محمـد : وانا بعـد ..

ام محمـد حالتها حاله !! تمت اتصيح و تكفـخ بعمرهـا ع الي سوته !! طلع محمد بسييـارته و ابـوه بسيـارته .. وتمـو يدورونهـا فالفريج !! بس طبعـا ماحصلوهـا !! لانه كانت دااخل ! ومكـان مظلم ..
تمـو يدورون تقريبـا ساعتين بس ماحصلـوا حد .. يوم ردو البيت ..
ام محمـد : خبـروا الشرطـه !!
بو محمـد : انتي تخبلتي !! تبين تدشين السجـن !!! لو اخبرهم و حصلوهـا بيحققون وياها !!
ام محمـد ردت تصيح ..
محمـد : ماعليه ابويه .. بـاجر الصبح احسن بندورهـا ..

.
.

فطـوم : عمرهـا 15 .. لاطويله ولا متينه .. وسط .. حنطـاويه فاحته .. عيونهـا وسـاع شويه .. مغززه .. ابتسـامتهـا كيـووت حبووبه طيبه وقلبهـا ابيض .. موتها وحيـاتها الحش لوول ويا ربيعتهـا مريوم .. من يجتمعـون وهم حاشين فـ الخلق لوول ..

صبـاح اليـوم الثـاني ..

انا وين .. وشو هالوايرات اللي علييه !! آآخ ياراسي !! لفت الصوب الثاني .. دريشـه و ستـاره !! جييه وين انا لايكون فـ البيييت !! تبا تقوم بس مارامت لانه كانت تعبـاانه حييل .. تمت تشوف المكـان و عرفت انهـا فالمستشفـى فخاطرهـا : لايكون اهلي حصلونـي .. اهنيه صـاحت من الخـاطر : لا مابا يحصلـوني .. انا ميته بنسبـه لهم !! لفت عدالهـا شافت شيله ..مدت ايدها بتعب و حطتها ع راسهـا .. و تمت تتريـا الضرب الثـاني .. وهيه تبا تطلع من هالمكـان اليوم قبل باجر! وتمت تذكر اللي يستوي وجان اتدمع عينهـا .. ودقايـق جان تسمع صـوت دق باب ..
دق دق دق
فطـوم عيـونهـا فاجتهم .. وهيه توايج.. شافت بوكيـه ورد روز عنـااابي مفتحـاات .. وشافت اللي شال البوكيـه واحد لابس كنـدوره بيـج و عصـامه حمـرا و نظـاره شمسيه حلـوه ..
فطـوم هب طايع تصدق اللي يستوي وفـاجه عيونهـا شويه و بتطيـح ! ومانطقـت بكلمه !! وقلبـها طاح فبطنهـا .. يدددق بسرعـه !! وهيه بدت ترتجـف .. وتعبت زيـاده !!
يوم حط البوكييـه ع الطاوله .. جان يشوفهـا وهوه فخاطره : الله يعينـج !!

راشـد : الحمدالله ع سـلامتج
فطـوم بتعب : الله يسلمـك ..
راشـد : شو صحـتج الحين .. ان شاء الله احسن من امس ؟
فطـوم دمعت : شو تشوف حـالتي الحين .. بخير ولا ..
راشـد نزل راسه : .........
فطـوم لفت صوبه : انتـه منـوه !
راشـد : انا راشـد الـ ***** ..
فطـوم : والنعـم ..
راشـد : ينعم بحـالج .. همم وانتي منـوه ؟
فطـوم : انـا فاطمـه ..
راشـد : عاشت الاسـامي فطيم ..
فطـوم : عاشت ايـامك .. هممم يلسني مابا اطيـح ..
راشـد استغرب : كيف ايلسـج ؟؟
فطـوم : عـدل الشبريـه ..
راشـد : هيييه .. ان شاء الله ..
جـان يعدل الشبريه .. ويـاب الكرسي و تم يرمس وياهـا ..
راشـد : انزين فطـيم .. قوليلي .. منو سوالج جيـه ؟
فطـوم دمعت ولفت الصوب الثـاني : .................
راشـد زاغ : شوفيـج !!
فطـوم لفت صوبه و ابتسمت : مافيني شي ..
راشـد : انزين قوليلي منو سـوالج جيه ؟؟ ولييش !! لانه الصراحه .. حالتج .. سكت شويه .. : ماتسر !!

.:: كــــــــت ::.

شو بيكون رد فطيم ؟؟
وكيـف بتكـون وياه راشـد ؟!
اتري ردودكم
__________________